ಬೆಂಗಳೂರಿಗರೇ ಹುಷಾರ್! ಈ ಎರಡು ದಿನ ಇರಲಿದೆ ಭಾರೀ ಬಿಸಿಲು!

ಬೆಂಗಳೂರು: ಈಗಾಗಲೇ ಬೇಸಿಗೆ ಶುರುವಾಗಿದೆ. ಬೆಳಗ್ಗೆ ಹೊತ್ತಿನಲ್ಲಿಯೇ ಚುರುಕು ಮುಟ್ಟಿಸುವಂಥ ಬಿಸಿಲು ಬೀಳುತ್ತಿರುತ್ತದೆ. ಇದೇ ಸಂದರ್ಭದಲ್ಲಿ ಹವಾಮಾನ ಇಲಾಖೆಯಿಂದ ಮಾಹಿತಿಯೊಂದು ಹೊರಬಿದ್ದಿದ್ದು ಮಾ. 8ರಂದು ಹಾಗೂ 9ರಂದು ಹೆಚ್ಚು ಬಿಸಿಲು ಇರಲಿದೆ ಎಂದು ಇಲಾಖೆ ತಿಳಿಸಿದೆ.ಈ ಎರಡು ದಿನಗಳಲ್ಲಿ ದಿನದಲ್ಲಿ ಬಿಸಿಲಿನ ತಾಪಮಾನ ಕನಿಷ್ಟ 19 ಡಿಗ್ರಿ ಸೆಲ್ಸಿಯಸ್ ನಿಂದ ಗರಿಷ್ಠ 33.49 ಡಿಗ್ರಿ ಸೆಲ್ಸಿಯಸ್ ನಷ್ಟಿರುತ್ತದೆ ಎಂದು ಹೇಳಲಾಗಿದೆ. ಅದರಲ್ಲೂ ಬೆಂಗಳೂರಿನಲ್ಲಿ ಭಾನುವಾಚ ಈ ಎರಡೂ ದಿನಗಳಲ್ಲಿ ವಾತಾವರಣದಲ್ಲಿ ತೇವಾಂಶವು ಶೇ. 27ರಷ್ಟಿರುತ್ತದೆ. ಗಾಳಿಯು ಗಂಟೆಗೆ 27 ಕಿಮೀ ವೇಗದಲ್ಲಿ ಸಾಗುತ್ತಿರುತ್ತದೆ. ಈ ಎರಡೂ ದಿನ ಸೂರ್ಯೋದವು ಬೆಳಗ್ಗೆ 6.31ಕ್ಕೆ ಆಗುತ್ತದೆ. ಸೂರ್ಯಾಸ್ತಮಾನ ಸಂಜೆ 6.31ಕ್ಕೆ ಆಗುತ್ತದೆ ಎಂದು ಇಲಾಖೆ ತಿಳಿಸಿದೆ.ಮಾರ್ಚ್ 9ರಂದು ಕನಿಷ್ಟ 18.4 ಡಿಗ್ರಿ ಸೆಲ್ಸಿಯಸ್ ನಷ್ಟು ತಾಪಮಾನ ಇರಲಿದ್ದು , ಮಧ್ಯಾಹ್ನದ ಹೊತ್ತಿಗೆ ಗರಿಷ್ಠ 34.2 ಡಿಗ್ರಿ ಸೆಲ್ಸಿಯಸ್ ವರೆಗೆ ಹೋಗುತ್ತದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಮತ್ತೊಂದೆಡೆ, ವಾತಾವರಣದಲ್ಲಿ ತೇವಾಂಶದ ಪ್ರಮಾಣ ಶೇ. 17ಕ್ಕೆ ಇಳಿಯುವುದರಿಂದ ದಿನದಲ್ಲಿ ಹೆಚ್ಚು ಬಿಸಿಲು ಹಾಗೂ ಉಷ್ಣಾಂಶದ ಅನುಭವ ಆಗಲಿದೆ ಎಂದು ಇಲಾಖೆ ತಿಳಿಸಿದೆ.

ಬೆಂಗಳೂರಿನಲ್ಲಿ ಮಾ. 9ರಿಂದ 13ರವರೆಗಿನ ಹವಾಮಾನ